Цаг уурын мэдээ > Хөдөө аж ахуйн цаг уурын тойм
ДОРНОГОВЬ АЙМГИЙН 2024 ОНЫ 09 ДҮГЭЭР САРЫН ЦАГ АГААРЫН НӨХЦЛИЙН ТОЙМ МЭДЭЭ
Температур: Агаарын дундаж температур нийт нутгаар сэрүүсч 13.1-15.2 градус дулаан, олон жилийн дундажтай харьцуулбал Хөвсгөл, Өргөн сумдын нутгаар ОЖД-аас -1.3-1.4 градусаар хүйтэн, бусад сумдад ОЖД-ийн орчим буюу -0.7...+0.4 градус, Алтанширээ суманд ОЖД-аас 2.0 градусаар дулаан байлаа. Агаарын үнэмлэхүй их температур нутгийн +28-...+31 градус, үнэмлэхүй бага температур нутгийн хойд хэсгээт -1.0..-3.0 градус хүйтэн, бусад нутгаар 0..+3,0 градус дулаан байжээ. Хөрсний гадаргын дундаж температур нийт нутгаар +17....+20 градус дулаан, үнэмлэхүй их температур +47-...+57 градус дулаан, үнэмлэхүй бага нь нийт нутгаар -2,0...+2,0 градус дулаан байлаа.
Хур тунадас: Тухайн сард Дорноговь аймгийн хэмжээнд Олон жилийн дундаж /ОЖД утга/-аар 120-140.0 орчим мм тунадас ордог бол энэ жилийн 09 дүгээр сард 960.5 мм орж бүх нутгаар ОЖД-аас ахиу тунадастай байлаа. Хамгийн их нь Хөвсгөл суманд 143.6 мм, Улаанбадрахад 121.3 мм оржээ.
Салхи: Сарын 1, 3-р 10 хоногт хур тунадас ихтэй, салхи шуургатай цаг агаар нилээд тогтворгүй байсан бол дунд 10 хоногт дулаахан, салхи багатай цаг агаар тогтвортой байлаа.
Зуншлагын байдал: 2024 оны 10 дугаар сарын 01-ний байдлаар Замын-Үүд, Сайхандулаан, Алтанширээ зэрэг сумдад бэлчээрийн ургамлын сүүлийн үе шатууд ажиглагдаж, нийт нутгаар ургамал гандаж эхэлж байна. Зуншлага, намаржилтийн байдал нийт нутгаар сайн байна.
МАА-н үйлдвэрлэлд: Малын бэлчээрлэлтэд таатай сайхан сар үргэлжилж байна. Зуншлага, Намаржилт нийт нутгаар сайн, нуур тогтоол ус ихтэй малын усан хангамж сайн байна.