> Цаг уурын шинжилгээний мэдээ

Сарын тойм

Шинэчлэгдсэн: 2021-09-25 15:55:20

2021 ОНЫ 8 ДУГААР САРЫН ЦАГ АГААРЫН НӨХЦЛИЙН ТОЙМ МЭДЭЭ

Температур: Сарын дундаж агаарын температур нийт нутгаар 19.1 – 21.8 градус дулаан, агаарын хамгийн их температур өдөртөө нийт нутгаар 29 - 35 градус дулаан байлаа. Агаарын дундаж температурыг олон жилийн дундаж /ОЖД /-тай харьцуулахад: Сайншанд, Айраг, Иххэт сумдын  нутгаар ОЖДундаж орчим. Бусад сумдын нутгаар ОЖД-аас хүйтэн байлаа. Хөрсний гадарга дээр нийт нутгаар шөнөдөө  6.0 - 9.0 градус дулаан, өдөртөө 54 - 58  градус дулаан байв.

Хур тунадас: Энэ сард нийт нутгаар бороо 4 - 11 өдөр бороотой байлаа. Сайншанд суманд 12.7 мм, Замын-Үүд суманд 23.3 мм, Мандах суманд 14.2 мм, Хөвсгөл суманд 15.4 мм, Дэлгэрэх суманд 68.9 мм, Эрдэнэ суманд 33.4 мм, Айраг суманд 37.1 мм, Алтанширээ суманд 22.1 мм, Өргөн суманд 35.4 мм, Сайхандулаан суманд 18.5 мм, Улаанбадрах суманд 17.4 мм, Хатанбулаг суманд 43.5 мм бороо орлоо. Орсон хур тунадасны нийлбэрийг олон жилийн дундаж /ОЖД/-тай харьцуулахад:  Сайншанд, Замын-үүд, Мандах, Хөвсгөл сумдад ОЖД-аас бага, Сайхандулаан суманд ОЖДундаж орчим. Бусад сумлын нутгаар ОЖД-аас ахиу бороо орсон байна. 

Салхи: Энэ сард салхины хамгийн их хурд  Хөвсгөл, Эрдэнэ суманд 21 - 23 м/с, бусад сумдын нутгаар  12 -18 м/с хүрсэн. 10 м/с-ээс дээш салхитай хоногийн тоо Хатанбулаг суманд 2 өдөр, бусад сумдад 5 - 16 өдөр салхи ихтэй, зарим үед цаг агаар тогтворгүй байлаа.

Бэлчээрийн ургамал: Бэлчээрийн ургамлын дундаж өндөр 9 - 20 см, бэлчээрийн ургамлын ургалтын байдал сумын нутгийн 4 зүгийн үнэлгээгээр Өргөн сумын хойд хэсгээр муу. Эрдэнэ сумын өмнө, Сайншанд сумын баруун, зүүн, өмнө, Мандах сумын хойд, зүүн, Айраг, Алтанширээ сумдын нийт нутгаар, Иххэт сумын өмнө хэсгээр, Өргөн сумын баруун, зүүн, өмнө, Сайхандулаан сумын хойд зүүн өмнө хэсгээр дунд ургамал шарлаж хатаж байна. Бусад сумдын нутгаар сайн байна.

 

МАА-н үйлдвэрлэлд: Цаг агаарын нөхцлөөс болж малын бэлчээрлэлт саатсан тохиолдол гараагүй. Нийт нутгаар отор нүүдэл хийж мал ногоолуулах ажил явагдлаа. Малын усан хангамж ихэнх нутгаар дунд зэрэг байлаа.