ДОРНОГОВЬ АЙМГИЙН 2024 ОНЫ 06 ДУГААР САРЫН ДУНД 10 ХОНОГИЙН ЦАГ АГААРЫН НӨХЦЛИЙН ТОЙМ МЭДЭЭ

    Температур: Агаарын дундаж температур нийт нутгаар 20.7-26.1 градус дулаан, олон жилийн дундажтай харьцуулбал нийт нутгаар ОЖД-аас 1.1-4.3 градусаар дулаан байлаа. Агаарын үнэмлэхүй их температур нутгийн +32-...+36 градус, үнэмлэхүй бага температур нийт нутгаар +9.....+14 градус ажиглагджээ. Хөрсний гадаргын дундаж температур нийт нутгаар +27....+36 градус дулаан, үнэмлэхүй их температур +55-...+66 градус дулаан, үнэмлэхүй бага нь нийт нутгаар +7...+14 градус дулаан байлаа.

      Хур тунадас: Дунд 10 хоногт нийт нутгаар 0.5-15.0 мм бороо орсон ба Иххэт, Хатанбулаг сумдад ОЖД утгаас АХИУ,  Алтанширээ, Улаанбадрах сумдад ОЖД-ийн орчим, бусад нутгаар ОЖД-аас бага оржээ.

     Салхи: Энэ 10 хоногт нийт нутгаар салхи ихтэй, 10 м/с-ээс дээш давж салхилсан өдөр 1-8 өдөр хүртэл ажиглагдсан. Салхины хамгийн их хурд Мандах, Хөвсгөл, Эрдэнэ сумдад секундэд 22 метр хүрч салхилсан байна.

      Бэлчээрийн ургамал: Дунд 10 хоногийн байдлаар ихэнхи сумдад хур тунадас бага орж байгаатай холбоотойгоор бэлчээрийн ургамлын гэмтэл ажиглагдаж байна. 21-ний байдлаар Эрдэнэ суманд бэлчээрийн ургамлын цухуйлт эхлээгүй, бусад сумдын нутгаар бэлчээрийн ургамал таана, хазаар, хялгана, агь цухуйсан, ургамлын дундаж өндөр 1-8 см байна.  Замын-Үүд, Хөвсгөл, Улаанбадрах, Айраг сумдад халуун хуурай, салхины улмаас төлөөлөх сонгинолог ургамлууд хатаж гэмтэл ажиглагдсан байгаа.

      МАА-н үйлдвэрлэлд: Цаг агаарын нөхцлөөс болж малын бэлчээрлэлт саатсан тохиолдол гараагүй хэдий ч ургамлын ургалт одоог хүртэл малд төдийлөн таатай идэшлэх боломж бүрдээгүй, зуншлага оройтох нөхцөл байдал үргэлжилсээр байна. 

       Бэлчээрийн нутгийн 4 зүгийн үнэлгээгэр ургамлын ургалтыг үнэлэхэд Дэлгэрэх суманд САЙН, Иххэт, Алтанширээ сум бүхэлдээ ДУНД ЗЭРЭГ, Айраг сумын баруун талд МУУ, бусад газраар ДУНД ЗЭРЭГ, Сайхандулаан сумын хойд болон баруун тал ДУНД ЗЭРЭГ, бусад сумдын нутгаар МУУ-МАШ МУУ гэж үнэлэгдлээ. Малын усан хангамж ихэнх нутгаар дунд зэрэг байна.