2023 ОНЫ 10 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

/2023 оны 10 дугаар сарын 11-ний өдрөөс 10 дугаар сарын 20-ны өдөр хүртэл/

Температур: Агаарын дундаж температур нийт нутгаар 6.8-10.4 градус дулаан, олон жилийн дундажтай харьцуулбал нийт  нутгаар дунджаас 2.4-4.7 градусаар дулаан байлаа. Үнэмлэхүй их температур өдөртөө Хөвсгөл, Эрдэнэ, Улаанбадрах, Хатанбулаг  сумдын нутгаар 22 градус дулаан, үнэмлэхүй бага температур шөнөдөө Сайхандулаан сумын нутгаар    -8 градус хүйтэн байв. Хөрсний гадаргын дундаж температур нийт нутгаар 8-14 градус дулаан, үнэмлэхүй их температур өдөртөө Хатанбулаг сумын нутгаар 36 градус дулаан, үнэмлэхүй бага температур шөнөдөө Дэлгэрэх, Эрдэнэ сумын нутгаар -8 градус хүйтэн байлаа.

Хур тунадас: Энэ 10 хоногт нийт нутгаар хур тунадасгүй олон жилийн дундажаас бага байлаа.

Салхи: 10 хоногт салхины хамгийн их хурд Хөвсгөл, Дэлгэрэх сумдын нутгаар 12м/с, хамгийн бага салхи Хатанбулаг сумын нутгаар 7 м/с хүрч цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 1-5 өдөр байсан.

Бэлчээрийн ургамал: 10 дугаар сарын дунд 10 хоногийн байдлаар бэлчээрийн ургамлын дундаж өндөр 3-14 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Дэлгэрэх, Эрдэнэ сумдын нутгийн  хойд, зүүн хэсгээр ургамлын ургалтын байдал хэвийн, Мандах сумын зүүн, Хөвсгөл сумын зүүн, өмнө, Дэлгэрэх, Эрдэнэ сумдын баруун, өмнө, Алтанширээ сумын баруун, хойд, Улаанбадрах, Айраг сумдын нийт нутгаар ургамлын ургалтын байдал дунд, Сайншанд, Өргөн, Хатанбулаг, Сайхандулаан, Замын-Үүд сумдын нийт нутгаар, Мандах сумын баруун, хойд, өмнө,  Хөвсгөл сумдын баруун, хойд, Алтанширээ сумын зүүн, өмнө сумдын нутгаар ургамлын ургалтын байдал муу байна. Харин Хатанбулаг сумын нутгаар төлөөлөх ургамлууд үе шатаа бүрэн дамжиж хаталт хагдралт болсон байна.

МАА-н үйлдвэрлэлд:  Мал оторлох, хадлан тэжээл бэлтгэ, сааль сүү бэлтгэх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.