2024 ОНЫ 02 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2024 оны 02-р сарын 01-нээс 2024 оны 02-р сарын 10-ны өдрийг хүртэл /

Температур: Агаарын дундаж температур нийт нутгаар 15.6-22.0 градус хүйтэн, олон жилийн дундажтай харьцуулбал Иххэт, Сайхандулаан сумдад дунджийн 0.6-1.0 градусын орчим, бусад нутгаар дунджаас 2.7-6.8 градус хүйтэн байлаа.Үнэмлэхүй их температур өдөртөө Хатанбулаг сумын нутгаар -2 градусаар хүйтэн, үнэмлэхүй бага температур шөнөдөө Өргөн суманд -33 градус хүйтэн байв. Хөрсний гадаргын дундаж температур нийт нутгаар 14-22 градус хүйтэн, үнэмлэхүй их температур өдөртөө Айраг сумын нутгаар +6 градус дулаан, үнэмлэхүй бага температур шөнөдөө Иххэт сумын нутгаар -35 градус хүйтэн байлаа.

Хур тунадас: Энэ 10 хоногт Хөвсгөл суманд 1.8 мм, Замын-Үүд суманд 1.7 мм, Хатанбулаг суманд 1.3 мм, Эрдэнэ суманд 0.9 мм, Мандах суманд 0.8 мм, Өргөн суманд 0.6 мм, Сайншанд суманд 0.5 мм, Сайхандулаан, Улаанбадрах сумдад 0.4 мм, Алтанширээ суманд 0.2 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Дэлгэрэх, Айраг, Иххэт сумдын нутгаар дундажаас бага, Алтанширээ, Өргөн, Сайхандулаан сумдын нутгаар дунджийн орчим, бусад нутгаар дунджаас ахиу хур тунадастай байлаа.

Салхи: 10 хоногийн салхины хамгийн их хурд Дэлгэрэх, Мандах сумдад 13 м/с, Айраг суманд 12 м/с, Эрдэнэ суманд 11 м/с, Сайншанд, Сайхандулаан сумдад 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 1-3 өдөр байна. 

Цасан бүрхүүлийн байдал: Энэ 10 хоногийн хээрийн цасны хэмжилтээр, цасны дундаж зузаан Дэлгэрэх суманд 15 см, Иххэт суманд 12 см,  Айраг суманд 11 см, Хөвсгөл, Эрдэнэ сумдад 7 см, Алтанширээ суманд 5 см, Улаанбадрах, Хатанбулаг сумдад 4 см, Замын-Үүд суманд 3 см, Мандах суманд 2 см, Сайншанд, Өргөн, Сайхандулаан сумдад 1 см байна. Цасны бүрхэц Хөвсгөл, Дэлгэрэх, Эрдэнэ, Айраг, Алтанширээ, Улаанбадрах сумдын нутгаар 10 балл, Сайншанд, Замын-Үүд, Мандах, Иххэт, Өргөн, Сайхандулаан, Хатанбулаг сумдын нутгаар 5-9 баллын цасан бүрхүүлтэй байна. Цасны дундаж нягт Дэлгэрэх суманд 0,32 г/см³, Алтанширээ суманд 0,29 г/см³, Айраг суманд 0,28 г/см³, Иххэт суманд 0,25 г/см³, Хөвсгөл суманд 0,18 г/см³ , Хатанбулаг суманд 0,17 г/см³ , Эрдэнэ суманд 0,16 г/см³ байна.

МАА-н үйлдвэрлэлд: Нийт нутгаар малд нэмэгдэл тэжээл өгөх, хужир шүү бэлтгэх мал оторлох, ажил явагдаж байна. Цаг агаарын нөхцөл, их цаснаас болж сумдад энэ 10 хоногийн турш мал бэлчээрлэлт хүндрэлтэй, мал бэлчээрт орой бэлчиж эрт хотолж байна. Зуншлага тааруу байснаас малын  бэлчээр муутай, зарим газартаа цас зузаарч хунгарласан.

Зудын нөхцөл байдал: Засгийн газрын 286 дугаар тогтоолын дагуу зудын байдлыг үнэлгээ хийхэд суманд Иххэт, Өргөн сумдын нутгаар “төмөр буюу мөсөн зуд” Дэлгэрэх, Айраг, Алтанширээ, Сайхандулаан, Сайншанд,  Хатанбулаг сумдын нутгаар “цагаан зуд”  Хөвсгөл, Эрдэнэ сумдын нутгаар “цагаанаар зудархуу” байдалтай байна.