2024 ОНЫ 02 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2024 оны 02-р сарын 11-нээс 2024 оны 02-р сарын 20-ны өдрийг хүртэл /

Температур: Агаарын дундаж температур нийт нутгаар 6.1-17.1 градус хүйтэн, олон жилийн дундажтай харьцуулбал Замын-Үүд, Хөвсгөл, Сайхандулаан, Улаанбадрах, Хатанбулаг сумдад дунджаас 1.3-4.0 дулаан, Сайншанд, Мандах, Эрдэнэ, Алтанширээ, Өргөн сумдад дунджийн 0.2-1.0 градусын орчим, Дэлгэрэх, Айраг, Иххэт сумдын нутгаар дунджаас 1.2-1.4 градус хүйтэн байлаа.Үнэмлэхүй их температур өдөртөө Замын-Үүд сумын нутгаар +13 градусаар дулаан, үнэмлэхүй бага температур шөнөдөө Дэлгэрэх, Айраг, Алтанширээ, Иххэт сумдад -30 градус хүйтэн байв. Хөрсний гадаргын дундаж температур нийт нутгаар 5-14 градус хүйтэн, үнэмлэхүй их температур өдөртөө Замын-Үүд сумын нутгаар +17 градус дулаан, үнэмлэхүй бага температур шөнөдөө Иххэт сумын нутгаар -33 градус хүйтэн байлаа.

Хур тунадас: Энэ 10 хоногт Иххэт суманд 1.5 мм, Эрдэнэ суманд 1.4 мм, Өргөн суманд 0.9 мм, Хөвсгөл суманд 0.8 мм, Айраг суманд 0.5 мм, Сайншанд суманд 0.4 мм, Дэлгэрэх, Хатанбулаг сумдад 0.3 мм, Улаанбадрах сумдад 0.2 мм, , Алтанширээ, Сайхандулаан сумдад 0.1 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Замын-Үүд, Мандах, Дэлгэрэх, Алтанширээ, сумдын нутгаар дунджаас бага, Өргөн, Сайхандулаан, Улаанбадрах сумдын нутгаар дунджийн орчим, Сайншанд, Хөвсгөл, Эрдэнэ, Айраг, Иххэт, Хатанбулаг бусад нутгаар дунджаас ахиу хур тунадастай байлаа.

Салхи: 10 хоногийн салхины хамгийн их хурд Мандах суманд 21 м/с, Замын-Үүд, Хөвсгөл сумдад 16 м/с, Сайншанд,  Дэлгэрэх, Иххэт сумдад 15 м/с, Эрдэнэ, Айраг, Алтанширээ, Өргөн, Улаанбадрах сумдад 12 м/с, Сайхандулаан, Хатанбулаг 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 1-8 өдөр байна. 

Цасан бүрхүүлийн байдал: Энэ 10 хоногийн хээрийн цасны хэмжилтээр, цасны дундаж зузаан Дэлгэрэх суманд 16 см, Иххэт суманд 14 см, Айраг суманд 10 см, Эрдэнэ суманд 7 см, Алтанширээ суманд 5 см, Сайншанд, Өргөн, Хатанбулаг сумдад 1 см, Хөвсгөл, Улаанбадрах, Мандах, Сайхандулаан сумдад 1см-ээс бага байна. Цасны бүрхэц Дэлгэрэх, Эрдэнэ, Айраг, Алтанширээ сумдын нутгаар 10 балл, Сайншанд, Иххэт, Өргөн, Хатанбулаг сумдын нутгаар 5-9 балл, Мандах, Хөвсгөл, Сайхандулаан, Улаанбадрах 1-4 баллын цасан бүрхүүлтэй байна. Цасны дундаж нягт Дэлгэрэх суманд 0,36 г/см³, Айраг суманд 0,30 г/см³, Алтанширээ суманд 0,27 г/см³, Иххэт суманд 0,26 г/см³, Эрдэнэ суманд 0,21 г/см³ байна.

МАА-н үйлдвэрлэлд: Нийт нутгаар малд нэмэгдэл тэжээл өгөх, хужир шүү бэлтгэх мал оторлох, ажил явагдаж байна. Цаг агаарын нөхцөл, их цаснаас болж сумдад энэ 10 хоногийн турш мал бэлчээрлэлт хүндрэлтэй, мал бэлчээрт орой бэлчиж эрт хотолж байна. Зуншлага тааруу байснаас малын  бэлчээр муутай, зарим газартаа цас зузаарч хунгарласан.

Зудын нөхцөл байдал: Засгийн газрын 286 дугаар тогтоолын дагуу зудын байдлыг үнэлгээ хийхэд 14 сумын 3 сумд "төмөр буюу мөсөн зудтай" 6 сумд "цагаан зудтай", 3 сумд "цагаанаар зудархуу" байна. Дэлгэрэх, Иххэт, Өргөн сумдын нутгаар “төмөр буюу мөсөн зуд” Айраг, Алтанширээ, Даланжаргалан, Сайхандулаан, Сайншанд, Хатанбулаг сумдын нутгаар “цагаан зуд”  Хөвсгөл, Эрдэнэ, Мандах сумдын нутгаар “цагаанаар зудархуу” байдалтай байна.