2024 ОНЫ 01 ДҮГЭЭР САРЫН СҮҮЛЧИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2024 оны 01-р сарын 21-нээс 2024 оны 01-р сарын 31-ний өдрийг хүртэл /

Температур: Агаарын дундаж температур нийт нутгаар 18.3-23.9 градус хүйтэн, олон жилийн дундажтай харьцуулбал Иххэт суманд дунджийн 0,1 градусын орчим, бусад нутгаар дунджаас 2.1-5.9 градусаар хүйтэн байлаа. Үнэмлэхүй их температур өдөртөө Өргөн сумын нутгаар -5 градусаар хүйтэн, үнэмлэхүй бага температур шөнөдөө Дэлгэрэх суманд -34  градус хүйтэн байв. Хөрсний гадаргын дундаж температур нийт нутгаар 14-23 градус хүйтэн, үнэмлэхүй их температур өдөртөө Мандах сумын нутгаар +3 градус дулаан, үнэмлэхүй бага температур шөнөдөө Замын-Үүд сумын нутгаар -37 градус хүйтэн байлаа.

Хур тунадас: Энэ 10 хоногт Сайншанд, Хөвсгөл сумдын нутгаар 0.0 мм хур тунадас орлоо, бусад нутгаар хур тундас ороогүй. Орсон хур тунадасны нийлбэрийг олон жилийн дундажтай (ОЖД) харьцуулахад: Нийт нутгаар дундажаас бага хур тунадастай байлаа.

Салхи: 10 хоногийн салхины хамгийн их хурд Мандах суманд 12 м/с, Хөвсгөл, Дэлгэрэх, Сайхандулаан сумдад 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 1-5 өдөр байна. 

Цасан бүрхүүлийн байдал: Энэ 10 хоногийн хээрийн цасны хэмжилтээр, цасны дундаж зузаан Дэлгэрэх суманд 15 см, Айраг,  Иххэт суманд 14 см,  Хөвсгөл, Эрдэнэ сумдад 6 см, Алтанширээ, Хатанбулаг сумдад 5 см, Улаанбадрах, Замын-Үүд сумдад 3 см, Сайхандулаан, Мандах, Сайншанд сумдад 2 см,  Өргөн, суманд 1 см байна. Цасны бүрхэц Сайншанд, Хөвсгөл, Дэлгэрэх, Эрдэнэ, Айраг, Алтанширээ, Иххэт, сумдын нутгаар 10 балл, Мандах,Өргөн, Сайхандулаан, Замын-Үүд, Улаанбадрах, Хатанбулаг сумдын нутгаар 5-9 баллын цасан бүрхүүлтэй байна. Цасны дундаж нягт Дэлгэрэх суманд 0,31 г/см³, Алтанширээ суманд 0,29 г/см³, Айраг суманд 0,28 г/см³, Сайншанд суманд 0,25 г/см³, Иххэт суманд 0,24 г/см³ , Хөвсгөл суманд 0,22 г/см³ , Эрдэнэ суманд 0,19 г/см³, Хатанбулаг суманд 0,17 г/см³ байна.

МАА-н үйлдвэрлэлд: Нийт нутгаар малд нэмэгдэл тэжээл өгөх, хужир шүү бэлтгэх мал оторлох, ажил явагдаж байна. Цаг агаарын нөхцөл, их цаснаас болж сумдад энэ 10 хоногийн турш мал бэлчээрлэлт хүндрэлтэй, мал бэлчээрт орой бэлчиж эрт хотолж байна. Алтанширээ сумын зүүн зүгийн малчид Эрдэнэ сумын нутагт, Айраг сумын малчид Дундговь аймгийн нутагт, Өргөн сумын зүүн, зүүн хойд зүгийн малчид урд талдаа Эрдэнэ сумын нутагт отор нүүдэл хийж байна. Зуншлага тааруу байснаас малын  бэлчээр муутай, зарим газартаа цас зузаарч хунгарласан.

Зудын нөхцөл байдал: Засгийн газрын 286 дугаар тогтоолын дагуу зудын байдлыг үнэлгээ хийхэд суманд Хөвсгөл, Дэлгэрэх, Айраг, Алтанширээ, Иххэт, Сайхандулаан, Өргөн сумдын нутгаар “цагаан зуд”,  Сайншанд,  Эрдэнэ сумдын нутгаар “цагаанаар зудархуу” байдалтай байна.

1 ДҮГЭЭР САРЫН ТОЙМ МЭДЭЭ

Температур: Агаарын дундаж температур нийт нутгаар 13.5-19.7 градус хүйтэн, олон жилийн дундажтай харьцуулбал Айраг суманд дунджаас 1.1 градус хүйтэн, Иххэт, Сайхандулаан сумдад дунджаас 2.1-5.9 градусаар дулаан, бусад нутгаар дунджийн 0.1-0.8 градусын орчим байлаа.Үнэмлэхүй их температур өдөртөө Хатанбулаг сумын нутгаар +3 градусаар дулаан, үнэмлэхүй бага температур шөнөдөө Дэлгэрэх суманд -34  градус хүйтэн байв. Хөрсний гадаргын дундаж температур нийт нутгаар 13-20 градус хүйтэн, үнэмлэхүй их температур өдөртөө Хөвсгөл сумын нутгаар +9 градус дулаан, үнэмлэхүй бага температур шөнөдөө Замын-Үүд сумын нутгаар -37 градус хүйтэн байлаа.

Хур тунадас: Энэ 10 хоногт Замын-Үүд суманд 4.9 мм, Хөвсгөл суманд 4.6 мм, Улаанбадрах суманд 4.5 мм, Хатанбулаг суманд 2.7 мм, Мандах суманд 2.2 мм, Айраг суманд 2.0 мм, Сайншанд, Сайхандулаан сумдад 1.7 мм,  Дэлгэрэх суманд 1.6 мм, Иххэт, Өргөн сумдад 1.5 мм, Эрдэнэ суманд 1.4 мм, Алтанширээ суманд 0.4 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Алтанширээ сумын нутгаар дундажаас бага, бусад нутгаар дунджаас ахиу хур тунадастай байлаа.

Салхи: 10 хоногийн салхины хамгийн их хурд Дэлгэрэх, Замын-Үүд суманд 16 м/с, Мандах, Хөвсгөл сумдад 15 м/с, Иххэт, Сайншанд суманд 14 м/с, Эрдэнэ, Айраг, Алтанширээ, Улаанбадрах, Хатанбулаг, Өргөн сумдад 12 м/с,  Сайхандулаан суманд 10 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. Нийт нутгаар 10 м/с-ээс дээш салхитай өдрийн тоо 2-15 өдөр байна.