2023 ОНЫ 9 ДҮГЭЭР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 08-р сарын 31-нээс 2023 оны 09-р сарын 10-ны өдрийг хүртэл /

Температур: Агаарын дундаж температур нийт нутгаар 19.7-25.0 градус дулаан, олон жилийн дундажтай харьцуулбал нийт  нутгаар дунджын 5.2-9.2 градусаар дулаан байлаа. Үнэмлэхүй их температур өдөртөө Хатанбулаг сумын нутгаар 39 градус дулаан, үнэмлэхүй бага температур шөнөдөө Иххэт сумын 6 градус дулаан байв. Хөрсний гадаргын дундаж температур нийт нутгаар 23-30 градус дулаан, үнэмлэхүй их температур өдөртөө Замын-Үүд, Улаанбадрах сумдын нутгаар 57 градус дулаан, үнэмлэхүй бага температур шөнөдөө Дэлгэрэх, Иххэт сумдад 6 градус дулаан байлаа.

Хур тунадас: Энэ 10 хоногт Иххэт суманд 10.9 мм, Өргөн суманд 1.4 мм, Замын-Үүд, Улаанбадрах сумдад 1.2 мм, Сайншанд суманд 1.1 мм, Эрдэнэ, Хатанбулаг сумдад 0.9 мм, Хөвсгөл, Сайхандулаан сумдад  0.8 мм, Мандах суманд 0.2 мм,  Дэлгэрэх сумдад 0.1 мм бороо, аадар бороо орлоо. Орсон хур тунадасны нийлбэрийг олон жилийн дундажтай харьцуулахад:  Иххэт, Өргөн, Сайхандулаан сумдын нутгаар дунджаас ахиу, бусад нутгаар дунджаас бага байлаа.

Салхи: 10 хоногт салхины хамгийн их хурд Сайншанд, Замын-Үүд  сумдад 19м/с, Мандах суманд 18м/с, бусад сумдын нутгаар 7-16м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 1-7 өдөр байв.

Бэлчээрийн ургамал: 9 дүгээр сарын эхний 10 хоногийн байдлаар бэлчээрийн ургамлын дундаж өндөр 2-14 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Дэлгэрэх, Эрдэнэ сумдын нутгаар  хойд, зүүн хэсгээр, Иххэт сумын баруун, хойд, зүүн хэсгээр ургамлын ургалтын байдал хэвийн, Сайншанд сумын хойд, Мандах, Хөвсгөл, Өргөн сумдын зүүн, өмнө, Дэлгэрэх, Эрдэнэ сумдын баруун, өмнө, Алтанширээ сумын баруун, хойд, зүүн, Иххэт сумын өмнө, Сайхандулаан сумын баруун, хойд, Улаанбадрах сумын баруун, хойд, зүүн, Хатанбулаг сумын нийт нутгаар ургамлын ургалтын байдал дунд, Сайншанд сумын баруун, зүүн, өмнө, Замын-Үүд сумын нийт нутгаар, Мандах, Өргөн, Хөвсгөл сумдын баруун, хойд, Алтанширээ сумын өмнө, Сайхандулаан сумын зүүн, өмнө хэсгээр ургалтын байдал муу байна.

МАА-н үйлдвэрлэлд:  Мал оторлох, хадлан тэжээл бэлтгэ, сааль сүү бэлтгэх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.