2023 ОНЫ 9 ДҮГЭЭР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 09-р сарын 11-нээс 2023 оны 09-р сарын 20-ны өдрийг хүртэл /

Температур: Агаарын дундаж температур нийт нутгаар 14.3-18.0 градус дулаан /1 дүгээр зураг/, олон жилийн дундажтай харьцуулбал нийт  нутгаар дунджын 1.4-2.9 градусаар дулаан байлаа. /2 дугаар зураг / Үнэмлэхүй их температур өдөртөө Замын-Үүд сумын нутгаар 33 градус дулаан, үнэмлэхүй бага температур шөнөдөө Иххэт сумын 3 градус дулаан байв. Хөрсний гадаргын дундаж температур нийт нутгаар 18-24 градус дулаан, үнэмлэхүй их температур өдөртөө Эрдэнэ сумын нутгаар 53 градус дулаан, үнэмлэхүй бага температур шөнөдөө Иххэт суманд 1 градус дулаан байлаа.

Хур тунадас: Энэ 10 хоногт Замын-Үүд суманд 23.6 мм, Хөвсгөл суманд 19.3 мм,  Алтанширээ суманд 16.0 мм, Дэлгэрэх суманд 14.2 мм, Улаанбадрах суманд 11.4 мм, Өргөн суманд 10.7 мм, Сайншанд суманд 9.6 мм, Хатанбулаг суманд 8.3 мм, Эрдэнэ суманд 4.9 мм, Иххэт суманд 2.0 мм, Сайхандулаан, Мандах сумдад 0.7 мм бороо, аадар бороо орлоо / 3 дугаар зураг /. Орсон хур тунадасны нийлбэрийг олон жилийн дундажтай харьцуулахад:  Мандах, Иххэт сумдын нутгаар дунджаас бага, бусад нутгаар дунджаас ахиу байлаа. / 4 дүгээр зураг /

Салхи: 10 хоногт салхины хамгийн их хурд Замын-Үүд суманд 24м/с, Хөвсгөл суманд 23м/с, Сайншанд суманд 22м/с, Мандах суманд 21м/с, Эрдэнэ суманд 20м/с, бусад сумдын нутгаар 9-16м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 1-7 өдөр байв.

Бэлчээрийн ургамал: 9 дүгээр сарын дунд 10 хоногийн байдлаар бэлчээрийн ургамлын дундаж өндөр 2-14 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Дэлгэрэх, Эрдэнэ сумдын нутгаар  хойд, зүүн хэсгээр, Иххэт сумын баруун, хойд, зүүн хэсгээр ургамлын ургалтын байдал хэвийн, Сайншанд сумын баруун, хойд, Мандах, Хөвсгөл, Өргөн сумдын зүүн, өмнө, Дэлгэрэх, Эрдэнэ сумдын баруун, өмнө, Алтанширээ сумын баруун, хойд, зүүн, Иххэт сумын өмнө, Сайхандулаан сумын нийт нутгаар, Улаанбадрах сумын баруун, хойд, зүүн, Хатанбулаг сумын хойд, зүүн, өмнө хэсгээр  ургамлын ургалтын байдал дунд, Сайншанд сумын зүүн, өмнө, Замын-Үүд сумын нийт нутгаар, Мандах, Өргөн, Хөвсгөл сумдын баруун, хойд, Алтанширээ сумын өмнө, Хатанбулаг баруун хэсгээр ургалтын байдал муу байна.

МАА-н үйлдвэрлэлд:  Мал оторлох, хадлан тэжээл бэлтгэ, сааль сүү бэлтгэх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.