2023 ОНЫ 8 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 08-р сарын 11-нээс 2023 оны 08-р сарын 20-ны өдрийг хүртэл /

Температур: Агаарын дундаж температур нийт нутгаар 22.1-27.0 градус дулаан /1 дүгээр зураг/, олон жилийн дундажтай харьцуулбал нийт нутгаар дунджаас 1.7-5.3 градусаар дулаан байлаа. /2 дугаар зураг / Үнэмлэхүй их температур өдөртөө Хөвсгөл сумын нутгаар 38 градус дулаан, үнэмлэхүй бага температур шөнөдөө Сайншанд, Мандах, Дэлгэрэх, Иххэт сумдад 11 градус дулаан байв. Хөрсний гадаргын дундаж температур нийт нутгаар 28-36 градус дулаан, үнэмлэхүй их температур өдөртөө Дэлгэрэх, Эрдэнэ сумдад 61 градус дулаан, үнэмлэхүй бага температур шөнөдөө Мандах, Иххэт сумдад 8 градус дулаан байлаа.

Хур тунадас: Энэ 10 хоногт Хөвсгөл сумдад 17.5 мм, Айраг суманд 9.5 мм, Мандах суманд 6.7 мм, Замын-Үүд суманд 4.9 мм, Хатанбулаг суманд 1.6 мм, Дэлгэрэх сумдад 1.5 мм, Сайхандулаан суманд 1.0 мм, Иххэт суманд 0.3 мм, Сайншанд суманд 0.0 мм бороо, аадар бороо орлоо / 3 дугаар зураг /. Орсон хур тунадасны нийлбэрийг олон жилийн дундажтай харьцуулахад: Хөвсгөл, Айраг сумдын нутгаар дунджаас ахиу, бусад нутгаар дунджаас бага байлаа. / 4 дүгээр зураг /

Салхи: 10 хоногт салхины хамгийн их хурд Замын-Үүд суманд 28м/с, Эрдэнэ суманд 24м/с, Сайншанд суманд 22м/с, Хөвсгөл суманд 20м/с, бусад сумдын нутгаар 10-17м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 1-6 өдөр байв.

Бэлчээрийн ургамал: 8 дугаар сарын дунд 10 хоногийн байдлаар бэлчээрийн ургамлын дундаж өндөр 2-14 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Дэлгэрэх сумын нийт нутгаар, Эрдэнэ сумын зүүн, хойд, Иххэт сумын баруун, хойд, зүүн, Айраг сумын хойд, Өргөн сумын зүүн, өмнө, Хатанбулаг сумын хойд, өмнө, зүүн хэсгээр ургамлын ургалтын байдал хэвийн, Мандах, Сайхандулаан, Хөвсгөл сумдын нийт нутгаар, Сайншанд сумын хойд, зүүн, өмнө, Эрдэнэ сумын баруун, өмнө, Айраг сумын баруун, өмнө, Иххэт сумын өмнө, Алтанширээ сумын баруун, хойд, зүүн, Өргөн сумын баруун, өмнө, Хатанбулаг сумын баруун хэсгээр ургамлын ургалтын байдал дунд, Замын-Үүд сумын нийт нутгаар, Мандах сумын баруун, Улаанбадрах, Алтанширээ сумдын өмнө хэсгээр ургалтын байдал муу байна.

МАА-н үйлдвэрлэлд:  Малын ноос хяргах, сааль сүү бэлтгэх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.