2023 ОНЫ 7 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 06-р сарын 31-нээс 2023 оны 07-р сарын 10-ны өдрийг хүртэл /

Температур: Агаарын дундаж температур нийт нутгаар 19.3-23.7 градус дулаан, олон жилийн дундажтай харьцуулбал Замын-Үүд, Алтанширээ, Улаанбадрах, Хатанбулаг сумдын нутгаар дунджын 0.5-0.9 градусаар орчим, бусад сумдын нутгаар 1.1-1.7 градусаар дулаан байлаа. Үнэмлэхүй их температур өдөртөө Замын-Үүд, Хөвсгөл сумдын нутгаар 35 градус дулаан. Хөрсний гадаргын дундаж температур нийт нутгаар 22-29 градус дулаан, үнэмлэхүй их температур өдөртөө Замын-Үүд, Эрдэнэ, Алтанширээ  сумдын нутгаар 60 градус дулаан, үнэмлэхүй бага температур шөнөдөө Мандах сумын нутгаар 8 градус дулаан байлаа.

Хур тунадас: Энэ 10 хоногт Мандах суманд 33.6 мм, Иххэт суманд 30.2 мм, Сайхандулаан суманд 13.0 мм, Хатанбулагт 12.6 мм,  Дэлгэрэх сумдад 11.7 мм, Айраг суманд 10.3 мм, Улаанбадрах суманд 7.5 мм, Хөвсгөл сумдад 7.3 мм, Өргөн суманд 6.8 мм, Сайншанд суманд 5.2 мм, Эрдэнэ суманд 5.0 мм, Замын-Үүд суманд 3.8 мм, Алтанширээ суманд 1.0 мм бороо, аадар бороо орлоо. Орсон хур тунадасны нийлбэрийг олон жилийн дундажтай харьцуулахад: Сайншанд, Замын-Үүд, Дэлгэрэх, Эрдэнэ, Алтанширээ сумдын нутгаар дунджаас бага, Хөвсгөл, Улаанбадрах сумдын нутгаар дунджын орчим, бусад нутгаар дунджаас ахиу байлаа.

Салхи: 10 хоногт салхины хамгийн их хурд Хөвсгөл, Мандах, сумдын нутгаар 23м/с, Сайншанд сумын нутгаар 20м/с, бусад сумдын нутгаар 9-19м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 5-8 өдөр байв.

Бэлчээрийн ургамал: 7 дугаар сарын эхний 10 хоногийн байдлаар бэлчээрийн ургамлын дундаж өндөр  1-6 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Эрдэнэ сумын зүүн, Хатанбулаг сумын өмнө хэсгээр ургамлын ургалтын байдал хэвийн, Айраг, Иххэт сумдын нийт нутгаар, Алтанширээ сумын баруун, хойд, Дэлгэрэх сумын баруун, зүүн, өмнө, Сайншанд сумын хойд, Эрдэнэ сумын хойд, өмнө, Улаанбадрах сумын хойд, Хатанбулаг сумын хойд, зүүн хэсгээр ургамлын ургалтын байдал дунд, бусад нутгаар ургалтын байдал муу байна.

МАА-н үйлдвэрлэлд:  Мал нэмэгдэл тэжээл өгөх, тарилга хийх, туулга өгөх, мал оторлох, малын ноос хяргах, мал хөнгөлөх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.