2023 ОНЫ 7 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 07-р сарын 11-нээс 2023 оны 07-р сарын 20-ны өдрийг хүртэл /

Температур: Агаарын дундаж температур нийт нутгаар 21.7-26.4 градус дулаан / 1 дүгээр зураг/, олон жилийн дундажтай харьцуулбал Сайншанд, Мандах, Хөвсгөл, Дэлгэрэх, Айраг, Иххэт сумдын нутгаар дунджын 0.1-0.9 градусаар орчим, бусад сумдын нутгаар 1.0-2.2 градусаар дулаан байлаа / 2 дугаар зураг /. Үнэмлэхүй их температур өдөртөө Замын-Үүд, Хөвсгөл, Эрдэнэ, Сайншанд сумдын нутгаар 39 градус дулаан. Хөрсний гадаргын дундаж температур нийт нутгаар 26-33 градус дулаан, үнэмлэхүй их температур өдөртөө Алтанширээ сумын нутгаар 64 градус дулаан, үнэмлэхүй бага температур шөнөдөө Замын-Үүд сумын нутгаар 8 градус дулаан байлаа.

Хур тунадас: Энэ 10 хоногт Улаанбадрах суманд 33.0 мм, Хатанбулагт суманд 18.6 мм,  Айраг суманд 18.1 мм, Иххэт суманд 17.8 мм, Эрдэнэ суманд 17.6 мм, Өргөн суманд 14.2 мм, Дэлгэрэх суманд 8.8 мм, Хөвсгөл суманд 7.8 мм,  Алтанширээ суманд 3.0 мм, Замын-Үүд суманд 3.2 мм, Мандах суманд 2.8 мм, Сайхандулаан суманд 1.8 мм, Сайншанд суманд 1.4 мм бороо, аадар бороо орлоо. Орсон хур тунадасны нийлбэрийг олон жилийн дундажтай харьцуулахад: Сайншанд, Замын-Үүд, Мандах, Дэлгэрэх, Эрдэнэ, Алтанширээ сумдын нутгаар дунджаас бага, Хөвсгөл сумын нутгаар дунджын орчим, бусад нутгаар дунджаас ахиу байлаа. / 4 дүгээр зураг /

Салхи: 10 хоногт салхины хамгийн их хурд Хөвсгөл сумын нутгаар 22м/с, Эрдэнэ сумын нутгаар 20м/с, бусад сумдын нутгаар 9-17м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 2-7 өдөр байв.

Бэлчээрийн ургамал: 7 дугаар сарын дунд 10 хоногийн байдлаар бэлчээрийн ургамлын дундаж өндөр 2-10 см байна. Бэлчээрийн ургамлын ургалтын байдлыг сумын нутгийн 4-н зүгээр үнэлэхэд Дэлгэрэх сумын нийт нутгаар, Эрдэнэ сумын зүүн, Хатанбулаг сумын өмнө, зүүн, Айраг сумын хойд, Иххэт сумын хойд хэсгээр ургамлын ургалтын байдал хэвийн, Сайншанд сумын зүүн, Мандах сумын баруун, хойд, зүүн, Эрдэнэ сумын хойд, өмнө, Айраг, Иххэт сумдын баруун, зүүн, өмнө, Алтанширээ сумын баруун, хойд, зүүн, Өргөн сумын зүүн, өмнө, Сайхандулаан сумын баруун, хойд, Улаанбадрах сумын баруун, хойд, зүүн, Хатанбулаг сумын баруун, хойд хэсгээр ургамлын ургалтын байдал дунд, бусад нутгаар ургалтын байдал муу байна. / 5 дугаар зураг /

МАА-н үйлдвэрлэлд:  Мал нэмэгдэл тэжээл өгөх, тарилга хийх, туулга өгөх, мал оторлох, малын ноос хяргах, мал хөнгөлөх ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.