2023 ОНЫ 6 ДУГААР САРЫН ЭХНИЙ АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 06-р сарын 01-нээс 2023 оны 06-р сарын 10-ны өдрийг хүртэл /

Температур: Агаарын дундаж температур нийт нутгаар 17.0-20.9 градус дулаан /1 дүгээр зураг/, олон жилийн дундажтай харьцуулбал Эрдэнэ, Иххэт сумдын нутгаар дунджаас 1.1-2.0 градусаар дулаан, бусад сумдын нутгаар 0.3-0.9 градусын орчим байлаа. /2 дугаар зураг / Үнэмлэхүй их температур өдөртөө Сайншанд, Хөвсгөл, Эрдэнэ, Улаанбадрах сумдын нутгаар 30 градус дулаан, үнэмлэхүй бага температур шөнөдөө Мандах суманд 7 градус дулаан байв.

Хөрсний гадаргын дундаж температур нийт нутгаар 22-30 градус дулаан, үнэмлэхүй их температур өдөртөө Улаанбадрах  суманд 58 градус дулаан, үнэмлэхүй бага температур шөнөдөө Мандах, Иххэт сумдад 6 градус дулаан байлаа.

Хур тунадас: Энэ 10 хоногт Мандах суманд 0.3 мм, Хөвсгөл суманд 0.8 мм, Сайншанд суманд 0.9 мм, Алтанширээ суманд 3.0 мм, Дэлгэрэх суманд 3.7 мм, Сайхандулаан суманд 9.3 мм, Айраг суманд 14.9 мм бороо орлоо. Бусад нутгаар хур тунадас ороогүй / 3 дугаар зураг /. Орсон хур тунадасны нийлбэрийг олон жилийн дундажтай харьцуулахад: Айраг, Сайхандулаан сумдын нутгаар дунжаас ахиу, Сайншанд, Мандах, Хөвсгөл, Дэлгэрэх, Алтанширээ сумдын нутгаар дунджаас бага байлаа. / 4 дүгээр зураг /

Салхи: 10 хоногт салхины хамгийн их хурд Хөвсгөл суманд 25м/с, Сайншанд суманд 18м/с, бусад сумдын нутгаар 10-16м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо нийт нутгаар 1-9 өдөр байв.

Бэлчээрийн ургамал: 6 дугаар сарын 9-ны байдлаар бэлчээрийн ургамлын дундаж өндөр цухулйт эхэлсэн сумдад 1-4 см байлаа. Хөвсгөл суманд бэлчээрийн ургамал цухуйлт байна, бусад сумдын нутгаар бэлчээрийн ургамал таана, хялгана, хазаар, агь цухуйсан байна

МАА-н үйлдвэрлэлд:  Мал нэмэгдэл тэжээл өгөх, тарилга хийх, туулга өгөх, мал төллүүлэх, мал оторлох ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.