2023 ОНЫ 5 ДУГААР САРЫН СҮҮЛЧИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

Температур: Агаарын дундаж температур нийт нутгаар 14.2-18.6 градус дулаан /1 дүгээр зураг/, олон жилийн дундажтай харьцуулбал Мандах, Айраг сумдын нутгаар дунджаас 1.5-1.6 градусаар хүйтэн, Эрдэнэ сумын нутгаар дунджаас 1.3 градус дулаан, бусад нутгаар 0.2-0.9 градусын орчим байлаа. /2 дугаар зураг / Үнэмлэхүй их температур өдөртөө Замын-Үүд суманд 29 градус дулаан, үнэмлэхүй бага температур шөнөдөө Мандах суманд 0 градус хүйтэн байв.

Хөрсний гадаргын дундаж температур нийт нутгаар 19-24 градус дулаан, үнэмлэхүй их температур өдөртөө Замын-Үүд суманд 55 градус дулаан, үнэмлэхүй бага температур шөнөдөө Мандах суманд 1 градус хүйтэн байлаа.

Хур тунадас: Энэ 10 хоногт Сайншанд суманд 3.1 мм, Хатанбулаг сумдад 3.5 мм, Замын-Үүд суманд 5.7 мм, Иххэт суманд 6.3 мм, Улаанбадрах суманд 6.4 мм, Мандах суманд 8.4 мм, Алтанширээ суманд 9.4 мм, Айраг суманд 10.1 мм, Хөвсгөл сумдад 11.9 мм, Өргөн суманд 12.6 мм, Дэлгэрэх сумдад 18.1 мм, Эрдэнэ суманд 20.8 мм бороо орлоо. Бусад нутгаар хур тунадас ороогүй / 3 дугаар зураг /. Орсон хур тунадасны нийлбэрийг олон жилийн дундажтай харьцуулахад: Сайншанд сумын нутгаар дунджийн орчим, бусад нутгаар дунджаас ахиу байлаа. / 4 дүгээр зураг /

Салхи: 10 хоногт салхины хамгийн их хурд Мандах суманд 25м/с, Эрдэнэ суманд 23м/с, Замын-Үүд суманд 21м/с бусад сумдын нутгаар 10-19м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10 м/с-ээс дээш салхитай өдрийн тоо Иххэт суманд 1 өдөр, Өргөн суманд 2 өдөр, бусад нутгаар 4-10 өдөр байв.

Бэлчээрийн ургамал: 5 дугаар сарын 25-ны байдлаар бэлчээрийн ургамлын дундаж өндөр цухулйт эхэлсэн сумдад 1-2 см байлаа. Сайншанд, Замын-Үүд, Эрдэнэ, Айраг, Алтанширээ, Иххэт, Сайхандулаан, Улаанбадрах, Хатанбулаг сумдын нутгаар бэлчээрийн ургамал таана, хялгана, хазаар, агь цухуйсан бусад сумдын нутгаар цухуйлтгүй байна

МАА-н үйлдвэрлэлд:  Малд нэмэгдэл тэжээл өгөх, тарилга хийх, туулга өгөх, мал төллүүлэх, мал оторлох ажил үргэлжлэн хийгдэж байна. Малын усан хангамж ихэнх нутгаар дунд зэрэг байлаа.

5 ДУГААР САРЫН ЦАГ АГААРЫН НӨХЦЛИЙН ТОЙМ

Температур: Энэ сард агаарын дундаж температур нийт нутгаар 12.8–17.3 градус дулаан (1 дүгээр зураг), олон жилийн дундажтай харьцуулбал дундажаас Иххэт, Өргөн, Хатанбулаг сумдад 1.2-1.8 градусаар дулаан, бусад нутгаар дундажийн 0.3-0.8 градусын орчим (2 дугаар зураг). Өдөртөө үнэмлэхүй их температур Хөвсгөл, Улаанбадрах, Хатанбулаг сумдад 30 градус дулаан, шөнөдөө үнэмлэхүй бага температур Мандах суманд 2 градус, Айраг, Иххэт сумдад 1 градус хүйтэн байв.

Хөрсний гадаргын дундаж температур нийт нутгаар 17-23 градус дулаан, өдөртөө үнэмлэхүй их температур Замын-Үүд суманд 55 градус дулаан, шөнөдөө үнэмлэхүй бага температур Мандах, Дэлгэрэх, Айраг, Иххэт сумдад 4 градус, Өргөн суманд 2 градус, Сайншанд, Алтанширээ сумдад 1 градус хүйтэн байлаа.

Хур тунадас: Энэ сард нийт нутгаар хур тунадастай өдрийн тоо 3-7 өдөр. Сайншанд суманд 4.7 мм, Мандах суманд 9.3 мм, Иххэт суманд 9.6 мм, Алтанширээ суманд 10.4 мм, Хатанбулаг сумдад 14.6 мм, Хөвсгөл сумдад 15.7 мм, Айраг суманд 16.1 мм, Өргөн суманд 17.0 мм, Замын-Үүд суманд 17.2 мм, Дэлгэрэх сумдад 18.2 мм, Эрдэнэ суманд 21.9 мм, Улаанбадрах суманд 22.4 мм бороо орлоо (3 дугаар зураг). Орсон хур тунадасны нийлбэрийг олон жилийн дундажтай харьцуулахад: Сайншанд сумын нутгаар дунджаас бага, Иххэт, Хатанбулаг сумдын нутгаар дунджийн орчим, бусад нутгаар дунджаас ахиу бороо орлоо (4 дүгээр зураг).            

Салхи: Энэ сард салхины хамгийн их хурд Мандах суманд 29м/с, Хөвсгөл, Айраг сумдад 27м/с, Сайншанд, Эрдэнэ сумдад 25м/с, Дэлгэрэх суманд 22м/с Замын-Үүд суманд 21м/с, бусад сумдын нутгаар 17-20м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа. 10м/с-ээс дээш салхитай өдрийн тоо Мандах суманд 25 өдөр, Сайншанд, Хөвсгөл сумдад 24 өдөр, Дэлгэрэх суманд 22 өдөр, Замын-Үүд суманд 21 өдөр,  Алтанширээ суманд 20 өдөр, бусад нутгаар 9-16 өдөр байв.