2023 ОНЫ 12 ДУГААР САРЫН ДУНД АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 12-р сарын 10-наас 2023 оны 12-р сарын 21-ний өдрийг хүртэл /

Температур: Агаарын дундаж температур нийт нутгаар 20.2-24.2 градус хүйтэн, олон жилийн дундажтай харьцуулбал нийт нутгаар дунджаас 4.1-9.0 градусаар хүйтэн байлаа. Үнэмлэхүй их температур өдөртөө Хөвсгөл, Улаанбадрах, Хатанбулаг сумдад 6 градус хүйтэн, үнэмлэхүй бага температур шөнөдөө Эрдэнэ суманд -37  градус хүйтэн байв. Хөрсний гадаргын дундаж температур нийт нутгаар 19-24 градус хүйтэн, үнэмлэхүй их температур өдөртөө Хатанбулаг сумын нутгаар 2 градус дулаан, үнэмлэхүй бага температур шөнөдөө Эрдэнэ сумын нутгаар -36 градус хүйтэн байлаа.

Хур тунадас: Энэ 10 хоногт Иххэт суманд 5.8 мм, Замын-Үүд суманд 5.2 мм, Хөвсгөл, Хатанбулаг сумдад 4.7 мм, Айраг суманд 4.2 мм, Алтанширээ суманд  3.6 мм,  Сайхандулаан суманд 3.0 мм, Улаанбадрах суманд 2.4 мм,  Дэлгэрэх, Эрдэнэ сумдад 2.1 мм, Сайншанд,  Өргөн сумдад 1.3 мм,  Мандах суманд 1.2 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Нийт нутгаар дунджаас ахиу хур тунадастай байлаа.

Салхи: 10 хоногийн салхины хамгийн их хурд Алтанширээ сумын нутгаар 16 м/с, Өргөн сумын нутгаар 14 м/с,  Замын-Үүд, Мандах, Айраг сумдын нутгаар 13 м/с, Сайншанд, Хөвсгөл, Дэлгэрэх, Эрдэнэ, Иххэт, Сайхандулаан сумдын нутгаар 12 м/с, Улаанбадрах сумын нутгаар 10 м/с  хүрч аюултай үзэгдлийн хэмжээнд ажиглагдаж цаг агаар тогтворгүй байлаа.  Нийт нутгаар 10 м/с-ээс дээш салхитай өдрийн тоо 1-7 өдөр байсан байна. 

Цасан бүрхүүлийн байдал: Энэ 10 хоногийн хээрийн цасны хэмжилтээр, цасны дундаж зузаан Дэлгэрэх суманд 13 см, Иххэт суманд 9 см,  Хөвсгөл, Айраг сумдад 7 см,  Алтанширээ, Хатанбулаг сумдад 5 см, Эрдэнэ суманд 4 см, Замын-Үүд, Улаанбадрах сумдад 3 см,  Мандах суманд 2 см, Сайншанд, Өргөн, Сайхандулаан сумдад 1 см байна. Цасны бүрхэц Замын-Үүд, Эрдэнэ, Айраг, Иххэт, Дэлгэрэх, Хөвсгөл, Өргөн сумдын нутгаар 10 балл, Сайншанд, Мандах, Алтанширээ, Сайхандулаан, Улаанбадрах, Хатанбулаг сумдын нутгаар 5-9 баллын цасан бүрхүүлтэй байна. Цасны дундаж нягт Алтанширээ суманд 0,35 г/см³,  Иххэт суманд 0,34 г/см³ , Дэлгэрэх суманд 0,30 г/см³,  Айраг суманд 0,27 г/см³, Хатанбулаг суманд 0,24 г/см³, Эрдэнэ суманд 0,17 г/см³, Хөвсгөл суманд 0,15 г/см³ байна.

МАА-н үйлдвэрлэлд: Нийт нутгаар малд нэмэгдэл тэжээл өгөх,  хужир шүү бэлтгэх, оторлох, өвөлжөөндөө буух ажил явагдаж байна. Цаг агаарын нөхцөлөөс болж цасан шуурганаас болж сумдад 2-3 хоног малын бэлчээрлэлт саатсан, энэ 10 хоногийн турш мал бэлчээрлэлт хүндрэлтэй,  мал бэлчээрт орой бэлчиж эрт хотолж байна. Зуншлага тааруу байснаас малын  бэлчээр муутай, зарим газартаа цас зузаарч хунгарласан.