2023 ОНЫ 11 ДҮГЭЭР САРЫН СҮҮЛЧИЙН АРАВ ХОНОГИЙН ЦАГ АГААРЫН НӨХЦЛИЙН ТОЙМ

/ 2023 оны 11-р сарын 21-нээс 2023 оны 11-р сарын 30-ны өдрийг хүртэл /

Температур: Агаарын дундаж температур нийт нутгаар 10.4-16.7 градус хүйтэн /1 дүгээр зураг/, олон жилийн дундажтай харьцуулбал нийт нутгаар дунджаас 1.7-4.6 градусаар хүйтэн байлаа. /2 дугаар зураг/ Үнэмлэхүй их температур өдөртөө Улаанбадрах суманд +6 градус дулаан, үнэмлэхүй бага температур шөнөдөө Сайншанд, Алтанширээ, Иххэт сумдын нутгаар -28 градус хүйтэн байв. Хөрсний гадаргын дундаж температур нийт нутгаар 10-16 градус хүйтэн, үнэмлэхүй их температур өдөртөө Улаанбадрах  сумын нутгаар 16 градус дулаан, үнэмлэхүй бага температур шөнөдөө Мандах, Өргөн сумдын нутгаар -27 градус хүйтэн байлаа.

Хур тунадас: Энэ 10 хоногт Сайхандулаан суманд 11.1 мм, Мандах суманд 8.4 мм, Сайншанд суманд 6.7 мм, Хөвсгөл суманд 4.9 мм, Дэлгэрэх суманд 4.0 мм, Өргөн суманд 3.6 мм, Хатанбулаг суманд 3.0 мм, Улаанбадрах суманд 2.9 мм, Иххэт суманд 2.2 мм, Замын-Үүд суманд 1.6 мм, Эрдэнэ, Айраг, Алтанширээ сумдад 1.2 мм хур тунадас орлоо /3 дугаар зураг/. Орсон хур тунадасны нийлбэрийг олон жилийн дундажтай (ОЖД) харьцуулахад: Нийт нутгаар дунджаас ахиу хур тунадастай байлаа.

Салхи: 10 хоногийн салхины хамгийн их хурд Сайншанд, Мандах сумдад 19 м/с, Иххэт  сумын нутгаар 17 м/с, Айраг, Хөвсгөл сумдын нутгаар 16 м/с,  Дэлгэрэх сумын нутгаар 15 м/с, Замын-Үүд, Улаанбадрах,Өргөн сумдын нутгаар 14 м/с,  Эрдэнэ, Алтанширээ, Сайхандулаан,  Хатанбулаг суманд 12 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа.  Нийт нутгаар 10 м/с-ээс дээш салхитай өдрийн тоо 1-7 өдөр байсан байна. 

Цасан бүрхүүлийн байдал: Энэ 10 хонгот хээрийн цасны хэмжилтээр, цасны дундаж зузаан Дэлгэрэх суманд 10 см, Иххэт суманд 8 см,  Алтанширээ сумдад 6 см, Хөвсгөл суманд 5 см, Мандах, Айраг, Хатанбулаг сумдад 4 см, Сайншанд, Өргөн, Сайхандулаан сумдад 2 см, Замын-Үүд суманд 1 см, Эрдэнэ, Улаанбадрах сумдад цасны дудаж зузаан 1 см-аас бага байна. Цасны бүрхэц Хөвсгөл, Дэлгэрэх, Алтанширээ, Иххэт сумдын нутгаар 10 балл, Сайншанд, Замын-Үүд, Мандах, Айраг, Өргөн, Сайхандулаан, Хатанбулаг 5-9 балл, Эрдэнэ, Улаанбадрах сумдад 1-4 баллын цасан бүрхүүлтэй байна. Цасны дундаж нягт Алтанширээ суманд 0,29 г/см³,  Айраг суманд 0,27 г/см³, Дэлгэрэх суманд 0,26 г/см³,  Өргөн суманд 0,19 г/см³, Иххэт суманд 0,22 г/см³ , Хатанбулаг суманд  0,08 г/см³, Хөвсгөл суманд 0,03 г/см³ байна.

МАА-н үйлдвэрлэлд: Нийт нутгаар малд нэмэгдэл тэжээл өгөх, мал хээлтүүлэх, оторлох, өвөлжөөндөө буух ажил явагдаж байна. Цаг агаарын нөхцлөөс болж малын бэлчээрлэлт саатсан тохиолдол гараагүй боловч мал бэлчээрт орой бэлчиж эрт хотолж байна. Зуншлага тааруу байснаас малын  бэлчээр муутай, зарим газартаа цас зузаарч хунгарласан.

2023 ОНЫ 11 ДҮГЭЭР САРЫН ТОЙМ МЭДЭЭ 

Температур: Агаарын дундаж температур нийт нутгаар 4.7-11.9 градус хүйтэн, олон жилийн дундажтай харьцуулбал Хатанбулаг сумын нутгаар дунджын -0,5 градус орчим, бусад нутгаар дунджаас 1.2-3.9 градусаар хүйтэн байлаа. Үнэмлэхүй их температур өдөртөө Улаанбадрах суманд +6 градус дулаан, үнэмлэхүй бага температур шөнөдөө Сайншанд, Алтанширээ, Иххэт сумдын нутгаар -28 градус хүйтэн байв. Хөрсний гадаргын дундаж температур нийт нутгаар 3-11 градус хүйтэн, үнэмлэхүй их температур өдөртөө Улаанбадрах  сумын нутгаар 16 градус дулаан, үнэмлэхүй бага температур шөнөдөө Мандах, Өргөн сумдын нутгаар -27 градус хүйтэн байлаа.

Хур тунадас: Энэ 10 хоногт Сайхандулаан суманд 16.2 мм, Мандах суманд 14.4 мм, Сайншанд суманд 13.1 мм, Иххэт суманд 11.7 мм, Дэлгэрэх суманд 10.6 мм, Айраг суманд 8.6 мм, Хөвсгөл суманд 7.3 мм, Алтанширээ суманд 6.9 мм, Хатанбулаг суманд 4.8 мм, Өргөн суманд 4.0 мм, Улаанбадрах суманд 2.9 мм, Замын-Үүд суманд 2.8 мм, Эрдэнэ суманд 2.0 мм хур тунадас орлоо. Орсон хур тунадасны нийлбэрийг олон жилийн дундажтай (ОЖД) харьцуулахад: Замын-Үүд, Эрдэнэ сумдын нутгаар дунджын орчим, бусад нутгаар дунджаас ахиу хур тунадастай байлаа.

Салхи: 10 хоногийн салхины хамгийн их хурд Хөвсгөл сумын нутгаар 20 м/с, Сайншанд, Замын-Үүд, Мандах сумдад 19 м/с, Иххэт сумын нутгаар 17 м/с, Айраг, сумдын нутгаар 16 м/с,  Дэлгэрэх сумын нутгаар 15 м/с, Улаанбадрах, Өргөн сумдын нутгаар 14 м/с,  Эрдэнэ сумын нутгаар 13 м/с, Алтанширээ, Сайхандулаан, Хатанбулаг суманд 12 м/с хүрч аюултай үзэгдлийн хэмжээнд ажиглагдаж цаг агаар тогтворгүй байлаа.  Нийт нутгаар 10 м/с-ээс дээш салхитай өдрийн тоо 4-18 өдөр байсан байна.